Kolhapur Vishesh
Crime News Political News Regional News आध्यत्म क्रीडा देश/विदेश नोकरी विषयक पोलीस तपास कथा मनोरंजन महाराष्ट्र

राज्यात राष्ट्रपती राजवट लागण्याची शक्यता; शरद पवार म्हणाले…

हायलाइट्स:शरद पवार सातारा जिल्ह्याच्या दौऱ्यावरसाताऱ्यात पत्रकारांशी बोलताना चालू राजकीय घडामोडींवर केलं भाष्यचंद्रकांत पाटील यांच्या राष्ट्रपती राजवटीच्या विधानावरही दिली प्रतिक्रियासचिन जाधव । सातारासातारा जिल्ह्याच्या दौऱ्यावर असलेले राष्ट्रवादी काँग्रेसचे अध्यक्ष शरद पवार (Sharad Pawar) यांनी राज्यातील सध्याच्या राजकीय घडामोडींवर भाष्य करताना भाजपचे प्रदेशाध्यक्ष चंद्रकांत पाटील (Chandrakant Patil) यांना आज सणसणीत टोला हाणला. राष्ट्रपती राजवट लागू करण्याच्या पाटील यांच्या वक्तव्याची त्यांनी अप्रत्यक्षपणे खिल्ली उडवली.

महाविकास आघाडीनं विधानसभा अध्यक्षपदाच्या निवडणुकीचा कार्यक्रम जाहीर केल्यानंतरही राज्यपाल भगतसिंह कोश्यारी यांनी अद्याप निवडणूक कार्यक्रमाला मंजुरी दिलेली नाही. महाविकास आघाडीच्या नेत्यांनी रविवारी या संदर्भात राज्यपालांची भेट घेतली असता अभ्यास करून निर्णय घेण्याचं आश्वासन राज्यपालांनी दिलं. त्यावरून सध्या सत्ताधारी व विरोधकांमध्ये आरोप-प्रत्यारोप सुरू आहेत. शिवसेनेचे खासदार संजय राऊत यांनी राज्यपालांवर तिरकस टीका केली आहे. तर, चंद्रकांत पाटील यांनीही त्यास उत्तर दिलं आहे.

वाचा: राष्ट्रवादीची भाजपशी जवळीक; काँग्रेसचा भडका, वरिष्ठांकडे केली ‘ही’ मागणी

‘विधानसभा अध्यक्षपदासाठी राज्यपालांनी दोन वेळा निवडणुकीच्या तारखा देऊन सुद्धा महाआघाडी सरकारने निवडणूक घेतली नाही, हा राज्यपालांचा आणि घटनेचा अवमान आहे आणि याच एका मुद्द्यावर राज्यात राष्ट्रपती राजवट लागू शकते, असं विधान पाटील यांनी आज पत्रकारांशी बोलताना केलं होतं. साताऱ्यात पवार यांना याबाबत विचारलं असता त्यांनी आपल्या खास शैलीत यावर प्रतिक्रिया दिली.’चंद्रकांत पाटील यांना माझ्या शुभेच्छा आहेत. राज्यातील विधिमंडळामध्ये उद्धव ठाकरे यांच्या नेतृत्वाखालील सरकारला स्पष्ट बहुमत आहे. राज्याला स्थिर सरकार देण्यात उद्धव ठाकरे व त्यांचे सहकारी यशस्वी झाले आहेत, त्यामुळं जे अस्वस्थ आहेत, ते लोक अशा प्रकारची विधानं करत असतात. त्यांनी यापूर्वीही अशी विधानं अनेकदा केली आहेत, पण राज्यातील सर्वसामान्य जनतेनं त्याची नोंद घेतलेली नाही. त्याचा काही परिणाम होत नाही. त्यामुळं मी त्यावर अधिक भाष्य करणार नाही,’ असं शरद पवार म्हणाले.

वाचा: शाळा, महाविद्यालयात करोना संसर्ग वाढला! नगरनंतर आता पुण्यातून चिंता वाढवणारी बातमी

राष्ट्रपती राजवट लागू करण्यासाठी जे जे आवश्यक आहे, ते ते महाविकास आघाडी सरकारनं केलं आहे, असं भाजपचं म्हणणं आहे. भाजपला यातून नेमकं काय म्हणायचं आहे असं शरद पवारांना विचारलं असता त्यांनी काहीही बोलण्यास नकार दिला. ते भाजपच्याच लोकांना विचारावं लागेल, असं ते म्हणाले.

Related posts

…तर मी ऑडिओ क्लिप जारी करणार; एकनाथ खडसेंचा शिवसेना आमदाराला इशारा

cradmin

कामगाराला बाहेर काढताना मालकही सेप्टिक टँकमध्ये पडले आणि…

cradmin

अरे देवा! ऊसाच्या फडातून मोदींची ‘मन की बात’ अधुरीच, Live सुरु झालं आणि…

cradmin

Leave a Comment